निखारा

 

निखारा

एखादा निखारा, त्यालाही बोचावा,

आग लावणारा, सावध जो |

सावज करोनी, प्रेमे टिपियले, 

बंदिवान केले, भक्ता ज्याने |

उगाच आळवी, रागदेस उठसुट,

भाव नाही सूरी, बेतालचि ताल |

शेवट एकच, भाषणाचे मर्म,

सुख लोकाचे त्या, पाहवेना |

ठिणगी टाकोनी, फुलवी निखारा,

पदर जाळोनी, देतो की प्रकाश |

सांगती ते सुख, दाविती ते सुख

आपल्या सुखास,  पारखेचि  |

मूळचि छाटोनी, कैसे फुले रोप

भरदार वृक्ष, कल्पा म्हणे |

एखादा निखारा, त्यालाही बोचावा,

आग लावणारा, सावध जो |

  *अँब्रोस चेट्टियार*