ट्रंक
ट्रंक
घर कोणाचे कोणाचे
मायबाप की लेकाचे
पोर उजविली मागे
तिने सांगावे कोणाचे |
येता माहेरास पोर
तिला परकेच वाटे
नाही एकही कोपरा
जपे बालपण तिचे |
बालपण जपणारी
नाही कोणतीही खूण
नाही आठवण तिची
नाही खेळणी चुकून |
घरभर हा पसारा
नव्या संसाराचा सारा
नव्या मालकिणी साठी
नव्या नवतीचा वारा |
एक म्हातारा म्हातारी
थोडी अडगळ त्यांची
त्यांच्या गोधड्या वाकळी
लेक रमे त्या ठिगळी |
एक बाज तुटकिशी
त्याच्या खालती ती ट्रंक
त्यात बाळ चिंध्या साऱ्या
झोपे बाहुली निशंक |
त्यात गावले जन्माचे
हवे नको ते ते सारे
बालपण सख्या खेळ
सुख जन्माचे साजरे |
जप इतकेच भाऊ
माझी मातरे पितरे
आणि देई मज दादा
त्यांच्या मागे ट्रंक ती रे |
मले दुसरे नको रे
आनी तुज्याकून काही
जप जिवाले बाबा रे
तूच बापमाय माही |
*अँब्रोस चेट्टियार*
टिप्पण्या
टिप्पणी पोस्ट करा